29 март куни Тошкент шаҳрида Ўзбекистон Олий Мажлиси Сенатининг тўққизинчи ялпи мажлиси ўз ишини давом эттирди. Бу ҳақда ЎзА хабар бермоқда.
Сенаторлар «Мамлакат истироҳат боғлари, шунингдек, бошқа кўнгилочар масканларида ўрнатилган юқори технологияли аттракционлардан фойдаланувчилар хавфсизлигини таъминлаш борасидаги давлат назоратининг ҳолати тўғрисида»ги парламент сўровини кўриб чиқиб, уни Ўзбекистон бош вазирига юбориш ҳақида қарор қабул қилди.
«Ялпи мажлисда Сенат ваколатига кирадиган бошқа масалалар ҳам кўриб чиқилди. Барча кўрилган масалалар юзасидан тегишли қарорлар қабул қилинди. Сенат ялпи мажлиси давомида 21 та масала, шунингдек, суд-ҳуқуқ тизимини изчил ислоҳ қилишга, фуқаролар ҳуқуқ ва манфаатларини ҳимоя қилишга, бозор ислоҳотларини янада чуқурлаштиришга қаратилган 9 та қонун кўриб чиқилди. Шунинг билан Олий Мажлис Сенатининг тўққизинчи ялпи мажлиси ўз ишини якунлади», — дейилади ЎзА ахборотида.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)