Россия мундиали учун кураш олиб бораётган Жанубий Америка мамлакатлари саралашнинг 14-турида майдонга тушди.
Лигада яққол пешқадам бўлиб турган Бразилия терма жамоаси ўз майдонида Парагвайни қабул қилиб, 3:0 ҳисобида муваффақият қозонди. Беллашувда «Ливерпуль», «Барселона» ва «Реал Мадрид» клуби футболчилари ўз ҳисобига гол ёзиб қўйди.
Аргентина терма жамоаси эса Боливияда ҳеч нарса қила олмади — 0:2. Аввалроқ ФИФА Лионель Мессини тўрт учрашувга дисквалификация қилгани айтилганди. Жамоа сардорининг йўқлиги эса аргентиналиклар учун қимматга тушди.
Луис Суарес, Эдинсон Кавани каби топ ҳужумчилари бор бўлган Уругвай терма жамоаси ҳам мазкур турда мағлубият аламини тотиб кўрди. Перуда меҳмон бўлган уругвайлик футболчилар 1:2 ҳисобида имкониятни бой берди.
Аргентина терма жамоаси 14-турдан кейин кучли тўртликка кира олмаган. 5-ўрин Месси ватандошларига плей-оффда тўп суриш имкониятинигина бериши мумкин. Воқеалар ривожи шу тақлид давом этса, Жаҳон чемпионатининг амалдаги финалчиси орадан тўрт йил ўтиб мундиалдан қуруқ қолиши ҳам мумкин.
ЖЧ—2018. КОНМЕБОЛ 14-тур беллашувлари 29 март, чоршанба
Боливия — Аргентина 2:0
Голлар: Хуан Карлос Арче, 31 (1:0). Мартинес Морено, 53 (2:0).Эквадор — Колумбия 0:2
Голлар: Ҳамес Родригес, 20 (0:1). Хуан Куадрадо, 34 (0:2).Четлатиш: Луис Кайседо, 61 (Э).Чили — Венесуэла 3:1
Голлар: Алексис Санчес, 4 (1:0). Эстебан Паредес, 7 (2:0). Эстебан Паредес, 22 (3:0). Соломон Рондон, 62 (3:1).Бразилия — Парагвай 3:0
Голлар: Фелипе Коутиньо, 34 (1:0). Неймар, 64 (2:0). Марсело, 85 (3:0).Перу — Уругвай 2:1
Голлар: Карлос Санчес, 30 (0:1). Паоло Герреро, 34 (1:1). Эдисон Флорес, 62 (2:1).Четлатиш: Хонатан Урретавиская, 77 (У).
Изоҳ (0)