Футбол бўйича Бразилия терма жамоасининг 2018 йилги Жаҳон чемпионатида иштирок этиши аниқ бўлиб улгурди.
Саралашнинг 14-турида Бразилия терма жамоаси Парагвай устидан йирик — 3:0 ҳисобида зафар қучди. Мазкур ғалаба Неймар етакчилик қиладиган Бразилия терма жамоасига Россия—2018 мундиали чиптасини тақдим этди.
Тите мураббийлигидаги пентакампионлар олдиндаги тўрт турда қандай натижа қайд этса ҳам, 4-ўриндан пастга тушиб кетмайди. Бу эса Жаҳон чемпионатининг калити деганидир. Бразилияликлар бунга биринчи бўлиб муваффақ бўлди.
Маълумот учун, саралашда Бразилиядан кейинги ўринларни Колумбия, Уругвай ва Чили термалари эгаллаб турибди. Лионель Месси каби футболчиси бор Аргентина эса 5-ўриндан жой олган.
Изоҳ (0)