АҚШ собиқ президенти Барак Обама дам олиш ва мемуарлар ёзиш учун Француз Полинезиясидаги бир пайтлар машҳур актёр Марлон Брандога тегишли бўлган Тетиароа оролига йўл олди. Бу ҳақда Американинг собиқ етакчисига яқин манбаларга таяниб, The Washington Post маълум қилди, дея хабар беради «ТАСС».
Газетага кўра, охирги вақтда Барак Обама ва унинг оиласи омма ҳамда ОАВ эътиборидан четда бўлишга интилиб, турли курортларга сайёҳат қилмоқда. Улар шу пайтгача Палм-Спрингс, Кариб ороллари ва Гавайида бўлишга улгурди.
Собиқ давлат раҳбари ва биринчи хонимнинг мемуарларни ёзиш жараёни қандай кечаётгани тафсилотлар ошкор этилмади. Мишель Обаманинг вакили Тина Чен таъкидлашича, у ҳозирда асосан уй юмушлари ва болалар билан банд.
Эслатиб ўтамиз, Penguin Random House ноширлик уй жами 60 миллион доллар эвазига Барак ва Мишель Обаманинг икки алоҳида хотира китобини чоп этиш ҳуқуқини қўлга киритди.
Изоҳ (0)