Яманда икки йилдан бери давом этаётган қуролли можаро давомида 1,4 минг бола ҳалок бўлди. Бу ҳақда БМТ бош котибининг гуманитар масалалар бўйича ўринбосари Стивен O’Брайен маълум қилди, дея хабар беради «ТАСС».
«Дунё ҳамжамиятининг можарони музокаралар йўли билан бартараф этишга қаратилган уринишларига қарамай минглаб тинч аҳоли, жумладан, 1,4 минг бола ўлдирилди. Улардан аксарияти эрталаб мактабга йўл олиб, ортига қайтмади. Ўн минглаб фуқаро жароҳат олди», — дея таъкидлади Стивен О’Брайен.
БМТ бош котиби ўринбосарига кўра, салкам 19 миллион яманлик, яъни мамлакат аҳолисининг учдан икки қисми гуманитар ёрдамга эҳтиёж сезмоқда. Улардан 7 миллион нафарига очлик таҳдид солмоқда.
Халқаро ташкилот ва унинг шериклари ҳозирда Ямандаги 22 вилоятда яшовчи 6 миллион аҳолига ҳар ойда гуманитар ёрдам етказмоқда.
Изоҳ (0)