Ядро қуролини тақиқлаш ва тўлиқ йўқ қилиш тўғрисидаги конвенцияни ишлаб чиқиш бўйича ҳукуматлараро музокаралар Нью-Йоркдаги БМТ бош қароргоҳида бошланмоқда, деб ёзади «ТАСС».
Конференциянинг биринчи босқичи 31 мартгача давом этади ва АҚШ, Буюк Британия, Франция каби ядро давлатлари билан бир қаторда шартномани қабул қилишга қарши чиқаётган Россия иштирокисиз кечади. Иккинчи босқич 15 июндан 7 июлгача бўлиб ўтиши режалаштирилган.
Конвенцияни тайёрлаш ҳақидаги қарор БМТ Бош Ассамблеяси томонидан ўтган йилнинг декабрида қабул қилинган эди. Тегишли резолюцияни 113 дан ортиқ мамлакат қўллаб-қувватлади, Россия ва яна 35 та давлат эса қарши овоз берди, Хитой бетараф қолди.
Февраль ойида БМТ бош қароргоҳида конференциянинг бир кунлик тайёргарлик сессияси ўтказилди, унда ташкилий масалалар муҳокама қилинди.
Икки босқичли муҳокамалар якунлари бўйича Бош Ассамблея учун маъруза тайёрлаш режалаштирилмоқда, конвенция лойиҳаси эса унга илова қилиниши кутилмоқда.
Изоҳ (0)