Ҳеч кимга сир эмаски, қишлоқ хўжалиги мамлакат иқтисодиётининг энг муҳим соҳаларидан бири ҳисобланади. Замонавий Ўзбекистонда агросаноат тармоғини мустаҳкамлаш ва ривожлантиришга алоҳида эътибор қаратилади. Шу туфайли, тармоқли кўргазма ва конференциялар айниқса долзарб: улар профессионал тажриба билан бўлишиш, потенциал шериклар, инвесторлар, буюртмачилар ва шунчаки, маслакдошларни топиш имконини беради.
Бундай катта кўламдаги воқеалардан бири 1 апрель куни Тошкентнинг «Зарқайнар» галереясида бўлиб ўтади. Agro Food Forum — 2017 халқаро конференцияси йирик форум бўлиб, унинг доирасида кичик ва ўрта бизнеснинг юзлаб вакиллари, фермерлар, маслакдошлар, ускуналар ишлаб чиқарувчилар ва етказиб берувчилар ўз тажрибалари билан бўлишади ва энг муҳим масалалар ечимлари йўлларини муҳокама қилади.
Форум мавзуси — «Мева ва сабзавотларни қайта ишлаш технологиялари ва озиқ-овқат хавфсизлиги» кўплаб долзарб масалаларни бирлаштиради, конференция давомида эса уларга тўла-тўкис жавоблар берилади. Мева-сабзавот маҳсулотлари сифатини ошириш, қайта ишлашни яхшилаш ва қадоқлаш усуллари, шунингдек, фермер хўжаликлари фаолиятини ривожлантириш муҳокама этилади.
Форум иштирокчилари замонавий ускуналарни танлаш, ўрнатиш ва фойдаланиш тажрибаси билан бўлишади, экспорт ҳажмини ошириш йўлларини муҳокама этади. Алоҳида эътибор озиқ-овқат хавфсизлигидаги бирламчи масалаларга қаратилади.
Тошкентдаги форумда дунёнинг ўндан ортиқ етакчи компаниялари қатнашади, улар орасида FAM (Бельгия), Octofrost (Швеция), Cabinplant (Дания), OMIP (Италия), TOMRA (Бельгия), Visser (Голландия) каби дунёга машҳур компаниялар бор.
Йилдан йилга иштирокчилар сони ортиб бормоқда, бу форумнинг озиқ-овқат саноатидаги юқори нуфузидан, муҳокама этилаётган мавзуларнинг долзарблигидан ва бундай тадбирларни очиқ суҳбат форматида ўтказиш зарурлигидан далолат беради.
Форум ташкилотчиси, General Machinery Group (GMG) — мева-сабзавот маҳсулотларини қайта ишлаш бўйича Европа ускуналарини етказиб бериш соҳасида Марказий Осиёдаги энг йирик компаниялардан бири. Компания мутахассислари ҳар қандай мураккабликдаги ишлаб чиқариш линияларини тайёр ҳолга келтириб беради: бу керакли ускунани саралаб олиш ва ўрнатишдан тортиб, уни цехда ишга тушириш, синов режимида фойдаланиб кўриш ва кафолатли сервис хизматини кўрсатишгача бўлган жараёнларни ўз ичига олади, шунингдек, компания кенг спектрдаги қишлоқ хўжалиги ва унга боғлиқ соҳа техникасини етказиб беради.
Agro Food Forum — 2017 да қатнашмоқчимисиз?
Зарур маълумотга эга бўлиш ва форумда иштирок этиш учун рўйхатдан ўтиш қуйидаги телефон бўйича:
(+99871) 150-78-88.
Telegram: (+99897) 752-78-88.
Ташкилотчи сайти: gmgtrade.com
Манзил: Тошкент шаҳри, Олмазор тумани, Зарқайнар кўчаси, 1-уй, «Зарқайнар» ўзбек модаси уйи.
Мўлжал: Чорсу даҳаси, «Эски жува» бозори, «Зарқайнар» супермаркети.
Реклама ҳуқуқи асосида
Изоҳ (0)