Bosh prokuratura huquqbuzarliklarga qarshi komissiyalarni muvofiqlashtiruvchi yagona organ etib belgilandi

O‘zbekiston Respublikasi Prezidenti Shavkat Mirziyoyev “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari to‘g‘risidagi qaror”ni imzoladi. Bu haqda Norma xabar bermoqda. 

Mazkur qarorga binoan, O‘zbekiston Respublikasi Bosh prokuraturasi mamlakatda huquqbuzarliklarga qarshi kurashni muvofiqlashtirishni amalga oshiradi. 

Bosh prokuratura quyidagi komissiyalar bo‘yicha yagona muvofiqlashtiruvchi organ etib belgilandi: 

• Huquqbuzarliklar profilaktikasi va jinoyatchilikka qarshi kurashish bo‘yicha respublika idoralararo komissiyasi;
• Voyaga yetmaganlar ishlari bo‘yicha respublika idoralararo komissiyasi;
• Odam savdosiga qarshi kurashish bo‘yicha respublika idoralararo komissiyasi;
• Korrupsiyaga qarshi kurashish bo‘yicha respublika idoralararo komissiyasi.

Huquqbuzarliklar sodir etilish sabab va shart-sharoitlari, qonuniylik va huquq-tartibotni ta’minlashga ta’sir etuvchi omillar, huquqbuzarliklar salbiy dinamikasi kuzatilgan sohalarda tizimli tahlilni tashkil etish mazkur boshqarmaning asosiy vazifasi etib belgilandi.