Тошкент шаҳар ИИББ томонидан 22 март, чоршанба куни Миробод компьютер технологиялари касб-ҳунар коллежида ўтказилган давомат тадбири вақтида коллежда давоматнинг пастлиги ва бу ҳолат коллеж раҳбарияти томонидан яширишга ҳаракат қилинганлиги аниқланди. Бу ҳақда Тошкент шаҳар ИИББда бўлиб ўтган брифингда маълум қилинди.
Давомат тадбири биринчи сменанинг 4-парасида ўтказилган. Бошқарма ходимлари тадбирни ўтказиш учун муассасага келганда коллежнинг маънавият ва маърифат ишлари бўйича директор ўринбосари байрам муносабати билан дарс машғулотлари бўлмаётганини таъкидлаган.
Шунга қарамасдан ички ишлар ходимлари тадбирни ўтказиш учун коллежга кирган ва учта гуруҳда дарс бўлаётгани аниқланган. Текширилган гуруҳларнинг бирида 29 нафар ўқувчидан 15 нафари дарсда йўқлиги аниқланди.
Дарс ўтаётган ўқитувчи эса паст давоматни яшириш учун дарсда йўқ ўқувчиларни гуруҳ журналида қалам билан белгилагани маълум бўлди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)