Ўзбекистон Республикаси ва Хитой Халқ Республикаси ўртасидаги савдо-иқтисодий ҳамкорлик бўйича кичик қўмитанинг 24 мартда Тошкентда бўлиб ўтган 5-йиғилишида Шавкат Мирзиёевнинг жорий йилнинг май ойида ХХРга амалга оширадиган давлат ташрифи доирасида имзоланиши режалаштирилаётган ҳужжатлар тўплами маълум қилинди.
- Халқаро автомобиль қатновлари бўйича келишув;
- Олий таълим соҳасида келишув;
- 2017—2020 йилларда туризм соҳасидаги ҳамкорликни ривожлантириш дастури;
- Техник ва иқтисодий соҳадаги ҳамкорлик бўйича келишув имзоланиши кутилмоқда.
- Кичик бизнес ва хусусий тадбиркорлик соҳасида меморандум;
- 2018—2020 йилларда қишлоқ хўжалиги соҳасида ҳамкорлик ва алмашинув режаси имзоланиши режалаштирилмоқда.
Жорий йилнинг 29 мартида Пекин шаҳрида бўлиб ўтадиган қишлоқ хўжалиги соҳасидаги ҳамкорлик бўйича кичик қўмита йиғилишида ҳамда апрель ойида ташкил этиладиган транспорт, энергетика ва маданий-гуманитар соҳадаги ҳамкорлик бўйича кичик қўмита йиғилишида ташриф доирасида имзоланадиган ҳужжатлар ва шартномалар юзасидан музокаралар олиб борилади. Апрель ойининг учинчи ўн кунлигида бўлиб ўтадиган Ўзбекистон—Хитой ҳамкорлиги бўйича қўмитанинг 4-йиғилишида имзоланадиган ҳужжатларнинг якуний тўплами келишиб олинади.
Ўзбекистон томони бўлажак ташриф икки мамлакат ўртасидаги ҳамкорликни янги босқичга олиб чиқишига ишонч билдирмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)