Британия парламенти Brexit’га нисбатан нотўғри муносабат учун «Би-би-си» келажагини савол остида қолдирди

Британия парламентининг 70 дан ортиқ депутати «Би-би-си» радиостанциясининг бош директори Тони Ҳоллга мактуб билан мурожаат қилди. Мактубда депутатлар корпорациядан тезда Brexit’ни ёритиш сиёсатини ўзгартиришни талаб қилган. Акс ҳолда «Би-би-си»нинг келажаги савол остида қолиши мумкин. Бу ҳақда The Daily Telegraph нашрига асосланиб, «ТАСС» маълум қилди.

Депутатларнинг фикрига кўра, «Би-би-си» Brexit’нинг иқтисодий устунликларини етарлича ёритмаяпти. Компания Brexit’га қарши овоз берганларни қўллаб-қувватлаб, Европа Иттифоқидан чиқишга қарор қилган 52 % британиялик ҳақида унутиб қўймоқда.

Мактуб охирида эса парламент аъзолари корпорацияга қарши асосий айбловни илгари сурди. Унга кўра, «Би-би-си» дунё ҳамжамиятининг кўз ўнгида қиролликнинг обрўсига путур етказмоқда.

Депутатлар мактубда келтирилган барча камчиликлар яқин вақт ичида бартараф этилишига умид билдирмоқда.

«Дарё»нинг Telegram’даги расмий канали — @toshqindaryo’га аъзо бўлинг!