Вашингтон Шимолий Кореяга қарши янги санкциялар пакетини тайёрламоқда. Санкциялар КХДР ташқи савдосини таъминловчи банклар ва молиявий муассасаларга тааллуқли бўлиши мумкин. Бу ҳақда Reuters агентлигига таяниб, «РБК» хабар бермоқда.
Шимолий Корея билан бизнес фаолияти олиб борувчи Хитой банклари санкцияларнинг нишонига айланиши мумкин. Reuters манбаларининг хабар қилишича, санкциялар Эронда синаб кўрилган моделлар таъсири остида киритилиши мумкин. Эрон йирик нефть экспортчиси бўлгани учун унга қарши киритилган санкциялар самарали бўлганди. Қўлланиладиган чоралар КХДР билан савдо олиб борувчи йирик компанияларни ҳам жаҳон молия тизимидан узиб қўйишга имкон беради.
Бундан ташқари, КХДРни ушлаб туриш бўйича чоралар ҳудудда ҳарбий фаолиятнинг амалга оширилишини ҳам ўз ичига олади. Бир вақтнинг ўзида Вашингтон Шимолий Кореяга огоҳлантириш зарбаси бериш ҳақидаги фикрни, унинг жуда хавфлилигини ҳисобга олган ҳолда рад этди. Бунинг ўрнига АҚШ КХДРга қарши махфий кибер ҳужумларни ёки разведка операцияларини ўтказиши мумкин.
17 мартда АҚШ давлат котиби Рекс Тиллерсон АҚШнинг КХДР билан муносабатлари бўйича стратегик сабрлилик сиёсати ўз ниҳоясига етганини маълум қилди. Шунингдек, Тиллерсон АҚШ ва унинг иттифоқчиларига нисбатан хавф ошган тақдирда Пхеньянга қарши ҳарбий ҳаракатлар амалга оширилиши эҳтимолини рад этмади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)