Ўн йилдан ортиқ вақт давомида Мэделин Маккенн исмли қизчани қидириш билан шуғулланаётган кўнгиллилар интернет фойдаланувчиларининг ҳақоратлари туфайли Facebook’даги расмий саҳифани ёпди, деб ёзади The Mirror.
Ижтимоий тармоқдаги йўқолган қизчани қидириш бўйича саҳифага қарийб 600 минг киши аъзо бўлган. Ўн йилдан буён активистлар ва кўнгиллилардан иборат бир нечта гуруҳлар қизалоқни топишга ҳаракат қилмоқда. Аммо, ота-онанинг сўзларига кўра, ОАВлар ва аноним интернет фойдаланувчилари уларга доимий равишда нафрат сўзларини ёғдиради.
Бу қизнинг ота-онаси руҳиятига кучли таъсир ўтказади, шу туфайли ижтимоий тармоқлардаги қидирувлар шунчаки тўхтатиб қўйилди.
Facebook’даги саҳифа 2007 йилда яратилган. Мэделин уч ёшида Португалиядаги Прая-да-Луш курортида оилавий таътил чоғида йўқолиб қолган. Ота-онаси бу йил 13 ёшга тўлиши керак бўлган қизча ҳали ҳам тириклигига умид қилмоқда.
Изоҳ (0)