Францияда президентликка номзодларнинг илк телемунозаралари бўлиб ўтди

20 март, душанба куни кечқурун Франциянинг TF1 телеканалида илк сайловолди мунозаралар бўлиб ўтди, деб ёзади «РИА Новости»: уч ярим соат давомида сиёсатчилар замонавий Франциянинг ижтимоий модели, иқтисодий вазият ва мамлакатнинг дунёдаги ўрни ҳақида гапирди.

Франция президенти лавозимига номзодлар ўн бир кишидан иборат. Аммо илк дебатларда уларнинг беш нафари, сайловолди сўровлар етакчилари қатнашди, булар — ўнг «Миллий фронт» раиси Марин Ле Пен, «Олға» партияси етакчиси, социал-либерал Эммануэль Макрон, ўнг марказчиларнинг «Республикачилар» партиясидан номзод Франсуа Фийон, «Социалистик партия» праймеризи ғолиби Бенуа Амон ва ўта сўллар вакили, «Бўйсунмаган Франция» асосчиси Жан-Люк Меланшон.

Эфир тугаганидан сўнг BFMTV телеканали буюртмасига мувофиқ ўтказилган сўровга кўра, бу мунозарада ҳаммадан кўп ишонтира олган номзод Макрон бўлди (29%). Ундан кейинги ўринларни Меланшон (20%), Ле Пен (19%), Фийон (19%) ва Амон (11%) эгаллади. Канал экспертлари «Бўйсунмаган Франция» етакчиси Жан-Люк Меланшон ва «Республикачилар»дан номзод Франсуа Фийонни энг яхши деб топди.