АҚШнинг Виржиния университети қошидаги Demographics Research Group маълумотларига кўра, Хитойда аҳолиси бир миллиондан зиёд шаҳарлар сони юздан ошиб, 102 тага етган, дея хабар беради «Коммерсант.ru».
Хитойдаги жадал урбанизация сабаб, катта шаҳарлар сони ўсишда давом этмоқда. McKisney Global Institute’нинг ҳисоб-китобига кўра, 2025 йилга бориб аҳолиси бир миллиондан ошган Хитой шаҳарлари сони икки баробарга ортади.
The Guardian нашри экспертлар орасида сўров ўтказиб, Хитойда кузатилаётган юқори суръатли урбанизацияга сабабчи бир неча омилларни келтирди.
Бу, биринчи галда, ҳукуматнинг мақсадли сиёсати ҳамдир — мамлакат раҳбарияти аҳолининг ишлаб чиқариш юқори тараққий этган шаҳарларга кўчиб ўтишни рағбатлантирмоқда ва, айни вақтда, шаҳар инфратузилмасининг борган сари яхшиланиб бориши қишлоқ аҳолисини ўз-ўзидан катта шаҳарларга жалб этмоқда.
Бундан ташқари, Хитойнинг кўплаб йирик компаниялари, масалан, Alibaba ва Foxconn кабилар ўзининг янги ишлаб чиқариш марказларини мамлакатнинг нисбатан ичкари, ишчи кучи соҳилбўйи шаҳарларидагига нисбатан арзонроқ бўлган ҳудудларида ташкил этмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)