Тошкентда 20 март куни эрта тонгданоқ дам олиш масканлари ва истироҳат боғларида халқ сайиллари, давлат ва нодавлат ташкилотлари, ҳунармандчилик муассасаларининг кўргазмалари, ўзбек миллий мусиқа санъати намояндалари, болалар рақс ансамблларининг бадиий чиқишлари, маҳаллий аҳоли ҳамда меҳмонлар диққат эътиборида бўлди. Бундан ташқари, дорбозлар, қизиқчилар, халқ театри вакиллари, аскиячилар, бадиий ҳаваскорлик жамоалари, цирк артистларининг чиқишлари ҳамда оммавий спорт ўйинлари ташкил этилди.
«Дарё» мухбири Академиклар шаҳарчасидаги Мирзо Улуғбек ҳайкали орқасидаги майдон ҳамда Алишер Навоий номидаги Ўзбекистон миллий боғида бўлиб, ушбу масканлардаги халқ сайилларидан фоторепортаж тайёрлади.
Эслатиб ўтамиз, оммавий сайиллар эртага Тошкентнинг 23 та ҳудудида давом эттирилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)