Ўзбекистонга олиб келинган янги «Афросиёб» электрпоезди Тошкент—Бухоро—Тошкент йўналишида 20 март, душанба куни илк қатновини бошлади. Бу ҳақда «Ўзбекистон темир йўллари» АЖ ахборот хизмати хабар бермоқда.
2011 йилдан ҳозиргача Ўзбекистонда 2 та юқори тезликда ҳаракатланувчи «Афросиёб» йўловчиларга хизмат қилиб келаётганди. Янги «Афросиёб» олдингиларига қараганда кўпроқ имкониятга эга.
Хусусан, шу вақтга қадар ҳаракатланаётган электрпоездлар 215 нафар йўловчига мўлжалланган бўлса, янги поездда 287 нафар йўловчига хизмат кўрсатилади. Унда эконом тоифали вагонлар сони 2 тага кўп. Бу бир вақтнинг ўзида яна қўшимча 72 нафар йўловчини ўз манзилига етказиш имконини беради.
Марказий Осиёда биринчи бўлиб Ўзбекистонда йўлга қўйилган «Афросиёб–1» ва «Афросиёб–2» электрпоездларининг ҳар бири бугунги кунгача 1 миллион километрдан ошиқ масофани босиб ўтди. Бу вақт оралиғида 5,5 мингга яқин тижорат қатнови амалга оширилиб, 1 миллиондан ошиқ йўловчи ўз манзилига етказилди.
Яқин кунларда мамлакатга яна битта ана шундай замонавий электрпоезд олиб келинади. Бу билан Ўзбекистонда юқори тезликда ҳаракатланувчи поездлар сони 4 тага етади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)