Мирзо Улуғбек тумани ҳокимлиги таъмирланадиган кўчалар рўйхатини эълон қилди

Тошкент шаҳар Мирзо Улуғбек тумани ҳокимлиги таъмирлаш ишлари олиб бориладиган кўчаларни эълон қилди.

«Ўзбекистон Республикаси Президенти Ш.М.Мирзиёевнинг 2017—2018 йилларда минтақавий автомобиль йўлларини ривожлантириш тўғрисидаги қарори доирасида туманимизда Буюк Ипак йўли ва Мирзо Улуғбек кўчалари оралиғидаги Ш.Бурҳонов кучасининг капитал таъмирлаш ишлари якунланмоқда», — дейилади ҳокимликнинг Facebook саҳифасига жойланган хабарда.

Кейинги навбатда:

- Авайҳон кўчаси;- Мусаввирлар кўчаси;- Сайрам 5-тор кўчаси;- Гулсанам кўчаси таъмирланади.

Бундан ташқари, қуйидаги кўчаларда қисман таъмирлаш ишларини амалга ошириш режалаштирилган:

- Гёте кўчаси;- Қаландар кўчаси;- Асака кўчаси.

Шунингдек, ривожлантириш дастурига 3 та маҳаллаларнинг мавзелар оралиғидаги кўчалари ва 5 та маҳаллаларнинг кўчаларини қисман таъмирлаш ишларини киритиш масаласи кўриб чиқилмоқда.