Дунёнинг интернет мавжуд бўлмаган жойлари

Бугунги кунда интернет бутун дунёни тўлиқ қамраб олгандек туюлади. Аммо интернет фойдаланувчилари сони сайёра аҳолиси сонининг ярмидан камроғини ташкил этади. Ва дунёда интернет умуман мавжуд бўлмаган жойлар ҳам бор. Сайёрадаги бундай жойлар ҳақида Travel Ask ҳикоя қилди.

Шимолий Корея

Шимолий Кореяда биз учун одатий бўлган интернет йўқ. Уларнинг Кванмён деб аталувчи ўз ички тармоғи бор, у Бутунжаҳон интернетидан ажратиб қўйилган ва асосан давлат мафкураси тарғиботига бағишланган. Ундан фақат имтиёзли кишиларгина фойдаланиши мумкин, булар мамлакат раҳбарияти, шунингдек, хорижий фирмалар ва элчихоналар. Оддий фуқароларнинг унга уланиш имконияти жуда чекланган: оддий одамлар учун форумлар бор, аммо порталларни тўлдириш давлат томонидан қатъий назорат қилинади.

Мьянма

Ҳарбий режим ва доимий урушлардан қийналиб кетган Мьянма аҳолиси ҳам интернетдан фойдаланиш имкониятига эга эмас, аниқроғи, аҳолининг 1 фоиздан камроғида бундай имконият бор. Халқ қўзғолонлари чоғида интернетни тўлиқ узиб қўйишади, интернет билан боғлиқ ҳаракатларнинг кўпчилиги учун эса қамалиш мумкин.

Шарқий Тимор

Шарқий Тимор — Евроиттифоқ мамлакатлари билан визасиз режимни йўлга қўйган ёш орол давлат. Аммо бу ерда аҳолининг 0,2 фоизигина интернетдан фойдаланади.

Африка мамлакатлари

Африканинг кўплаб мамлакатларида интернет фойдаланувчилари сони зўрға 1 фоиздан ошади. Албатта, бу умумий қашшоқлик, паст таълим даражаси ва жуда заиф компьютерлаштириш билан боғлиқ. Бундай мамлакатларга Конго, Эфиопия, Либерия, Нигер, Гвинея киради.

Ва интернетдан узоқ бўлган бошқа мамлакатлар

Бундан ташқари, Туркманистон, Тожикистон, Афғонистон, Покистон, Лаос, Камбожа, Мадагаскар, Сомали аҳолисининг 80 фоиздан ортиғи интернетдан фойдаланиш имкониятига эга эмас.