Германия Бундестагининг етакчи партиялардан бўлган депутатлари АҚШ президенти Дональд Трампнинг Германия мамлакат хавфсизлиги ва мудофаа қобилиятини таъминлаб беришгани учун АҚШ ва НАТОдан қарздорлиги ҳақидаги гапларидан норози бўлди, деб ёзади «ТАСС».
«Трамп ўзини унга ўлпон тўлашга мажбур бўлган содиқ фуқаролари билан мулоқот қилаётган Хитой императоридек тутяпти», — деди Бундестагнинг Социал-демократик партиядан депутати Нильс Аннен.
«Германия кўп нарсалар учун АҚШдан қарздор. Аммо биз мажбур бўлмаган ягона нарса бу — пул. Президентнинг АҚШ тарихий роли ҳақидаги янглиш мулоҳазаси кишини хафа қилади», — деди Бундестагнинг ташқи ишлар қўмитаси раиси Норберт Реттген.
Трамп Меркель билан Вашингтонда учрашгач, эртаси куни Германия мамлакат хавфсизлигини таъминлаб беришгани учун АҚШ ва НАТОдан катта қарзи борлигини айтган эди.
Изоҳ (0)