АҚШ президенти Дональд Трамп ўзининг россиялик ҳамкасби Владимир Путинни «тиш ўтмайдиган одам» деб ҳисоблайди. Бундай эътироф билан у Fox телекомпаниясига берган интервьюсида чиқиш қилди, деб ёзади «ТАСС».
Бошловчи америкалик таниқли сиёсий арбоблар ва тадбиркорлар, шунингдек, Россия етакчисини тилга олиб, Трампдан уларнинг ҳар бирига қисқа таъриф беришни сўради. Путин ҳақида АҚШ маъмурияти раҳбари шундай деди: «Уни билмайман. Аммо у, шубҳасиз, тиш ўтмайдиган одам. У Россия учун қанақа эканлигини билмадим, лекин буни қачондир билиб оламиз, деб ўйлайман».
Президент, шунингдек, АҚШ Демократик партиясининг Республикачилар партиясидан иборат ҳозирги Америка маъмуриятига давом этаётган ҳужумларини изоҳлади. Унинг фикрича, демократларда ҳозир республикачиларга нисбатан «катта совуқчилик бор». «Маълумотлар тарқалиб кетиши — мисоллардан бири холос. Обама шахсан менга яхши муносабатда бўлган бўлса-да, саҳна ортида яхши нарсалар содир бўлаётганга ўхшамайди, бу эса афсуслантиради», — деди Трамп.
Изоҳ (0)