Ирландия бош вазири Энди Кенни АҚШ президенти Дональд Трамп билан учрашув чоғида унга муҳожирлар масаласида «маъруза ўқиди». Бу ҳақда The New York Times нашрига таяниб, «Газета.ru» хабар берди.
Дональд Трампнинг муҳожирлар масаласидаги қарашларига танқидий муносабат билдирган бош вазирнинг ташрифи Авлиё Патрик куни арафасида бўлиб ўтди. Учрашув давомида Кенни муҳожирларнинг АҚШ тарихидаги ролини яна бир бор таъкидлаб ўтди.
«АҚШ тарихида катта рол ўйнашни хоҳловчи миллионлаб кишилар бор, албатта, агар сиз Американи буюк қилаётган кишиларни яхши кўрсангиз», — деган Кенни ўз сўзида.
Кенни Трампнинг олти мусулмон мамлакат фуқароларига қўйган тақиқи ҳақида гапирмаган. У ирландиялик мансабдорларни ташвишга солаётган масалага алоҳида эътибор қаратди.
Агар Трамп барча ноқонуний муҳожирларни мамлакатдан чиқариб юбориш ҳақидаги ваъдасини бажарса, АҚШда ноқонуний яшовчи қарийб 50 минг ирландияликка депортация хавф солади.
Таъкидланишича, Вашингтондаги учрашув вақтида Кенни унинг танқидлари шахсан Трампга эмас, балки унинг сўзларига қаратилганини таъкидлаган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)