16 март куни Тошкентдаги халқаро пресс-клубда бўлиб ўтган матбуот анжуманида Европа тикланиш ва тараққиёт банки (ЕТTБ) президенти Сума Чакрабарти Ўзбекистон билан ҳамкорликнинг асосий йўналишлари кичик ва ўрта бизнес, коммунал хизматлар соҳаси ва энергия олишнинг экологик усулларини ривожлантиришдан иборат бўлишини айтди.
Чакрабарти Банк Ўзбекистон иқтисодий ва сиёсий ҳаётининг биринчи навбатда, республиканинг ўзи учун бирламчи бўлган соҳаларини молиявий жиҳатдан қўллаб-қувватлашини таъкидлади.
16 март куни ЕТTБ делагацияси Ўзбекистон Президенти Шавкат Мирзиёев томонидан қабул қилинган эди. Шунингдек, ташриф чоғида Олий Мажлис Сенати, Вазирлар Маҳкамаси, Ташқи ишлар вазирлиги, Савдо-саноат палатаси ва давлат ҳокимиятининг бошқа органлари ваколатхоналарида учрашув ва музокаралар бўлиб ўтди.
Ўзбекистон ЕТTБга 1992 йил 30 апрелда аъзо бўлган, унга Банкнинг жами қиймати 44,12 миллион евродан иборат 4200 та акцияси тегишли. Ўзбекистондаги фаолияти бошидан буён Банк томонидан иқтисодиётнинг турли соҳаларидаги 54 та лойиҳанинг молиялаштирилиши тасдиқланган.
Изоҳ (0)