Баҳорги таътилни Next’да ўтказиш учун 6 та сабаб

Мактаб ўқувчиларининг ота-оналари яхши билишадики, баҳорги таътиллар энг масъулиятли вазифалар палласидир. Бу дамлар сўнгги дарсдан олдин чалинадиган катта танаффус қўнғироғи жарангини ёдга солади, танаффусда эса дарсга янги куч ва билимга ташна нигоҳлар ила қайтиш учун тоза ҳаводан тиниқиб нафас олиш ёки мактаб ҳовлисида бироз сайр қилишга имкон топилади. Қандай қилиб дарслардан озод фарзандингизнинг бир ҳафтасини у учун фойдали ва мазмунли тақсимлаш мумкин? Айнан мазкур савол билан биз оилавий Next мажмуасига йўл олдик ва ҳар бир кун учун мос тушувчи 6 ҳордиқ турини санаб чиқдик.

1. Ice Rink яхмалаги

Мусбат ҳароратга чидамли ва йил бўйи ишловчи Ўзбекистондаги ягона яхмалак, оилавий савдо-ҳордиқ мажмуасининг ҳудудида жойлашган. Унга ўз навбатида ҳаваскорлар ва халқаро мусобақаларнинг олтин медаллари шукуҳини тотган жажжи спорт усталари ҳам ташриф буюрадилар. Ice Rink қошида фигурали учиш ва хоккей тўгараклари очилган, уларга қабул 4—5 ёшдан бошланади. Конькида учишнинг фойдали томонлари ҳақида кўплаб мақолалар ёзилган, шу сабабдан ҳам мазкур машғулотнинг энг фойдали хусусиятига тўхталиб ўтамиз: машғулот мушакларни, талабчанликни ривожлантиради, жисмонан чиниқтиради, асосийси – олам-олам қувонч ва хурсандчилик бахш этади.

Нархлари: - катталар учун (1 соати) – 28 000 сўм,

- болалар учун (1 соати; 12 ёшгача) – 18 000 сўм;

- ойлик абонемент (катталар учун; 12 машғулот) – 280 000 сўм,

- ойлик абонемент (болалар учун; 12 машғулот) – 200 000 сўм.

*Конькилар ижараси яхмалак учун чипта нархи ичига киради.

2. Илмий лаборатория

Аниқ фанларни осон ўйин усуллари ва амалий тажрибалар билан тушунтириб берадиган мазкур интерфаол илмий-маърифий лойиҳа айниқса мактабгача таълим ва мактаб ёшидаги болалар учун мўлжалланган. Лабораториядан физика қонуниятлари ва табиий жараёнларни намоён қилувчи 20 дан зиёд кўргазмали қуроллар жой олган.

Бу ерга ташриф экскурсиялари ҳар куни соат 10:00 дан бошланади.

Ҳар якшанба куни эса Илмий лабораторияда «Илм Сеҳрга қарши» илмий-маърифий шоуси ўтказилади. 45 дақиқалик тақдимот мобайнида жажжи ва катта ёшдаги томошабинлар қайсидир бир кимёвий ёхуд физик жараённи тушунтириб берувчи олов, сув, кўпик воситасидаги ажабтовур тажрибалар, ҳамда кўзбойлоғичлар томошасининг гувоҳи ва иштирокчиларига айланадилар.

Нархлари: - катталар учун чипта (12 ёшдан) — 11 000 сўм,

- болалар учун чипта (4 ёшдан 12 ёшгача) — 9 000 сўм.

- 4 ёшгача болалар учун кириш бепул.

3. Юра даври парки

Юртимизда бошқа бу хилдагилари йўқ яна бир ўзига хос лойиҳа Next’нинг ажралмас қисми ҳисобланади ва ичида динозаврлар яшовчи қоронғи жунглилар томошасини таклиф этади. Мабодо сизнинг болажонингиз «Менинг ёқимтой динозаврим» мультфильмининг ашаддий муҳлиси бўлса ва трицератопсни силаб кўришни истаса, биз томон келаверинг. Ёдда тутинг-а: меҳмонларни сезиб қолган жониворлар шовқин солишни, бошларини қимирлатишни ва думларини ликиллатишни бошлашади. Этингиз жунжикиб кетишидан бошқасини айта олмаймиз, бир марта келиб кўрганингиз маъқул. Айтганча, энг беозор динозаврлар устига миниш ва суратга тушиш мумкин.

Нархлари: - катталар учун чипта (12 ёшдан) — 11 000 сўм,

- болалар учун чипта (4 ёшдан 12 ёшгача) — 9 000 сўм.

- 4 ёшгача болалар учун кириш бепул.

4. Cosmoport ўйин майдончаси

Фазовий станция услубидаги Cosmoport ўйин майдончаси бортида энг қизиқарли 3D-симуляторлар, ўйин автоматлари ва аттракционлар жамланган. Эт жимирлатар ҳиссиётлар шинавандалари ўзларини бу ерда худди сувдаги балиқдек ҳис эта оладилар. Ҳордиқ маскани мажмуанинг 4-қаватида жойлашган, энг жажжи меҳмонлар учун мўлжалланган болалар майдончаси, ғаройиб ХD cinema кинотеатри, автодром ва кўзгули лабиринтни ўз ичига олади.

Нархлари: - Автодром – 4 000 сўм;

- Болалар майдончаси – 8 000 сўм (1 соати), 5000 сўм (30 дақиқа);

- Чархпалак – 1000 сўм;

- Кўзгули лабиринт – 10 000 сўм;

- ХD cinema - 5000 сўм.

5. «Усталар сайёраси»дан ижодий маҳорат сабоқлари

20 га яқин турли-туман ижодий йўналишлардаги маҳорат сабоқлари билан кўплар ҳам ғурурлана олмайди. Улар орасида энг машҳурлари – ёғоч сирт (фанер) устига расмларни куйдириб тушириш, сополга чиройли ёзиш, сув сатҳига чизиш, сомон бўлакларидан аппликациялар тайёрлаш, футболкаларга ҳуснихат тушириш, совунпазлик, кулолчилик, декупаж, твистинг ва бошқалар.

Нархлари: 15 000 сўмдан 50 000 сўмгача.

6. Тоза ҳаводаги ҳордиқ майдони

Оловпуркар мусиқали фавворага эга ички ҳовли хотиржам дам олишга ҳам, фаол ҳордиқ чиқаришга ҳам жуда мос келади. Фаол ҳордиқ чиқаришни севувчилар учун сигвейдан тортиб варракгача, чархпалак ва аттракционлардан тортиб картинггача ҳозир-у нозир. Айнан шу ерда Наврўз тантанаси кунлари кўнгилга хуч ёқувчи сайиллар ўтади. Ўтказиб юборманг!

Батафсил маълумот

Facebook: https://www.facebook.com/nextmall/

 Телефон: 231-20-10

Реклама ҳуқуқи асосида