Ўзбекистон ҳукумат ҳайъатининг Туркияга сафари чоғида ўлкамизда фаолият кўрсатаётган Nobel Pharmsanoat компаниясининг Туркиядаги асосий сармоядори бўлмиш Nobel İlaç A.Ş. вакиллари билан ҳам учрашувлар бўлиб ўтди. Учрашувлар асносида Ўзбекистонга киритиладиган янги инвестициялар борасида меморандум шартномаси имзоланди. Мазкур шартноманинг амалга оширилиши мамлакатимизда суртма, сироп, инъекция шаклидаги янги дори маҳсулотларининг ишлаб чиқарилишига, маҳсулот турлари ва ҳажмининг ошишига, экспорт салоҳиятининг ортишига имкон беради.
Nobel Pharmsanoat – Ўзбекистонда юз фоиз чет эл сармояси асосида 2002 йилдан буён фаолият кўрсатаётган, ишлаб чиқаришдан сақлашгача ва маҳсулот маркетингига қадар барча босқичларни ўз ичига олган, таблетка, капсула ва суспензия кукуни шаклида йилига 6 миллион қути маҳсулот ишлаб чиқариш қувватига эга тўла циклли, замонавий ва динамик фирмадир. Nobel Pharmsanoat 2012 йилда халқаро ISO 9001:2008, 2014 йилда ISO 22000:2005 (HACCP), 2016 йилда эса GMP сифат сертификатига сазовор бўлган. Мазкур стандартлар компания маҳсулотларини дунёнинг кўплаб ўлкаларига, хусусан Европага экспорт қилиш имкониятини беради.
Компания ўз ишлаб чиқариш қувватларини ва маҳсулот ҳажмини ошириш учун Тошкент шаҳрининг Қорасув даҳасида янги замонавий дори-дармон фабрикаси қурилишини ниҳоясига етказмоқда. Ўзбекистон Республикаси Инвестициялар дастуридан ўрин олган мазкур фабрикада жаҳон андозаларига мос, рақобатбардош, экспортбоп дори-дармонлар ишлаб чиқариш мўлжалланган бўлиб, лойиҳанинг умумий қиймати 13,5 миллион АҚШ долларига тенгдир.
Реклама ҳуқуқи асосида
Изоҳ (0)