Ўзбекистонда долларнинг расмий курси 3500 сўмдан ошди

Ўзбекистон Марказий банки 2016 йил 14 мартдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини белгилади.

Унга кўра, 1 АҚШ доллари 3500 сўм 1 тийин этиб белгиланди. Бу 7 мартдаги курсга нисбатан 47 сўм 71 тийинга кўп.

14 мартдан эътиборан 1 евро қиймати 3710 сўм 44 тийин (7 мартдаги курсга нисбатан 60 сўм 35 тийин қиммат), 1 Россия рубли эса 59 сўм 10 тийин (7 мартдаги курсга нисбатан 50 тийин қиммат) этиб белгиланган.

Маълумот учун, 2016 йил 14 сентябрида долларнинг расмий курси 3000 сўмдан ошган эди.

Эслатиб ўтамиз, валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган.

«Дарё»нинг Telegram’даги расмий канали — @toshqindaryo’га аъзо бўлинг!