АҚШнинг Огайо штатидаги Цинциннати шаҳри ҳайвонот боғида Блейкли лақабли ғаройиб ит яшайди. Олти ёшли Блейкли ташлаб кетилган ҳайвон болаларини «қабул қилувчи ота» ҳисобланади. Сўнгги бир неча йил давомида ит тулки болаларини, леопард болаларини, ҳатто валлаби (кенгурусимонлар оиласига кирувчи ҳайвон) болаларини ҳам тарбия қилди. Ҳозир Блейкли Чирой, Батари ва Иззи лақабли учта йўлбарс боласига ғамхўрлик қилмоқда. Бу ҳақда Meduza хабар берди.
Блейкли йўлбарс болаларига «йўлбарс маданияти»ни ва ўзини тутиш қоидаларини ўргатмоқда.
Ҳайвонот боғи ходими Дон Страссернинг сўзларига кўра, итлардан фарқли равишда одамлар йўлбарсчаларга ҳақиқий ва «ўйинли» тишлаш фарқини тушунтира олмайди.
Ҳайвонот боғида Блейклининг меҳнати қадрланади, 2016 йил октябрь ойида ҳайвонот боғи ходимлари итнинг шарафига байрам уюштирди. Бундан буён ҳар йили 19 октябрда ҳайвонот боғида Блейкли куни нишонланади.
Изоҳ (0)