АҚШ Жанубий Кореяда жанговар учувчисиз учиш қурилмалари эскадрильясини жойлаштиради. Бу ҳақда Yonhap агентлигига мамлакат миллий мудофаа вазирлигидаги манба маълум қилди, дея хабар беради «ТАСС».
«Ҳозирда АҚШ ва Жанубий Корея томонлари тегишли маслаҳатлашувларни ўтказмоқда. Grey Eagle эскадрильясини Сеулдан 270 километр узоқликдаги Кунсанда жойлаштирилиши режалаштирилган. Мазкур учувчисиз учиш қурилмалари шимолдаги нишонларга зарба бериши, уруш юз берган тақдирда эса Шимолий Корея ҳарбий қўмондонлиги, жумладан, Ким Чен Инни йўқ қилишга кўмаклашиши мумкин», — дея таъкидлади Жанубий Корея мудофаа вазирлигидаги манба.
Маълумот учун, Grey Eagle 4 та AGM-114 Hellfire ракетаси ва шунча GBU-44/B Viper Strike бошқарилувчи авиабомбасини ташиш имкониятига эга. Қурилма соатига 280 километргача тезликка чиқиши ва ҳавода 30 соатгача бўлиши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)