Франция президентлигига номзод собиқ бош вазир Франсуа Фийон беш йил давомида жами қиймати 50 минг евролик буюртма асосида тикилган кийимларни совға тариқасида қабул қилган. Бу ҳақда Journal du Dimanche нашри маълум қилди, деб ёзади «Корреспондент.net».
Нашрнинг таъкидлашича, 2012 йилдан буён Фийон совға сифатида олган буюртма асосида тикилган кийимлар уларни ҳадя этувчиларга 48,5 минг еврога тушган. Харид суммасининг 35,5 минг евроси нақд шаклда тўланган.
2017 йилнинг февралида Фийоннинг дўстларидан бири Arnys бутикида буюртма асосида тикилган икки костюм учун чек ёрдамида тўловни амалга оширган. Уларнинг нархи 13 минг еврони ташкил қилган.
«Франсуа Фийоннинг илтимосига кўра тўладим», — дейди чекни имзолаган ва номи ошкор этилмаслигини истаган киши нашрга.
Эслатиб ўтамиз, Францияда жисмоний шахслар сайлов кампаниялари давомида президентлик лавозими учун номзодларга хайрия қилиши мумкин бўлган суммага чеклов ўрнатилган. Унга кўра, бу маблағ беш минг доллардан ошмаслиги зарур.
Изоҳ (0)