Бухоро вилоятида ташриф билан бўлиб турган Ўзбекистон Президенти Шавкат Мирзиёев Вобкент тумани тиббиёт бирлашмаси тизимида амалга оширилаётган қурилиш-таъмирлаш ишлари лойиҳасини кўздан кечирди. Бу ҳақда ЎзА хабар бермоқда.
Мавзуга доир: Шавкат Мирзиёев: Халқимизни рози қилиш учун тиббий хизмат сифати ва самарадорлигини янада юксалтириш керак
2014 йилда 250 қатновга мўлжалланган кўп тармоқли марказий поликлиника қурилган. 2015 йилда ҳар бири 30 ўринли бўлган шошилинч тиббий ёрдам ва режали хирургия бўлимлари биноси барпо этилган. 2016 йилда 131 ўринли туғруқ комплекси, болалар ва юқумли касалликлар бўлимлари капитал таъмирланган.
Жорий йилда бу борадаги ишларни давом эттириб, терапия, зарарсизлантириш, қон қуйиш, лаборатория бўлимларини капитал таъмирлаш, патанатомия бўлими, тозалаш қурилмаси, дорихона ва бошқа биноларни қуриш режалаштирилган.
Шавкат Мирзиёев қишлоқ врачлик пунктларини оптималлаштиришда аҳолининг талабларини ҳисобга олиш, улардаги тиббий жиҳозлардан унумли фойдаланиш, пунктларга малакали кадрларни ишга жалб этиш, касалликларни самарали даволаш билан бирга уларни профилактика қилиш бўйича зарур топшириқлар берди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)