Ўзбекистоннинг барча ҳудудларида умумхалқ хайрия ҳашари бошланди

Бугун, 11 март куни Ўзбекистоннинг барча ҳудудларида умумхалқ хайрия ҳашари бошланди. Бу ҳақда ЎзА хабар бермоқда.

Вазирлар Маҳкамасининг 2 мартдаги фармойиши асосида Ўзбекистонда март—апрель ойлари ободонлаштириш ва кўкаламзорлаштириш ойлиги, деб эълон қилинди. Унинг доирасида 11—12 март кунлари умумхалқ хайрия ҳашари ўтказилмоқда.

Бугун эрта тонгдан Ўзбекистоннинг барча ҳудудларида бутун халқимиз, ёшу қари баҳамжиҳат бўлиб аҳоли пунктлари, хиёбонлар, кўчалар, йўллар, кўп қаватли уйлар атрофи, ҳовли-жойларни тозалашга киришди.

Ҳашарчиларнинг саъй-ҳаракати билан қабристонлар, муқаддас қадамжолар, тарихий ёдгорликлар атрофи ободонлаштирилмоқда.

Наврўз байрами муносабати билан ишга туширилиши режалаштирилаётган янги иншоотлар, намунавий уй-жойлар қурилишида уста-ҳунармандларга ҳашарчилар яқиндан кўмак бермоқда.

«Дарё»нинг Telegram’даги расмий канали — @toshqindaryo’га аъзо бўлинг!