Баҳор – ўзгаришлар фасли! Бизнинг мақоламиз баҳорда энг актуал ва урфда бўлган соч турмаклари ҳақида.
Ҳажмли жингалаклар
Бу чиройли ва қўпол турмак бир қарашда осон бўлиб кўринса ҳам, аслини олганда анча қийин.Бошида стилистдан сочга шакл беришни сўранг. Бу турмакда шакл бериш — муваффақият сири. Соч ўрамларини бироз кўпиртириб турмакка енгиллик бахш этинг.
Укладка қилишда жингалак сочлар учун қўлланиладиган воситадан фойдаланинг. Бу воситани ҳўл сочларга суринг ва шаклланишни сочларнинг ўзига қўйиб беринг.
Бежирим боб
Боб — каре асосидаги соч турмаги. Бу тўғри ва ингичка сочли аёллар учун мукаммал вариант ҳисобланади.Ияккача келадиган узунликдаги боб соч турмагини қилиш учун сочларнинг учи текис қилиб кесилган бўлиши керак. Турмак кўп қаватли бўлмаслиги лозим.
Турмак чиройли бўлиши учун тўғри укладка қилинг. Бу ишда сизга иссиқликдан ҳимоя қилувчи спрей ва текис насадкали соч дазмолчаси ёрдам беради.
Узайтирилган «шег»
Узайтирилган «шег» — узун сочлар учун кўп даражали соч турмаги. Юзни ўраб турувчи чёлка ва соч ўрамлари — турмакнинг асосий элементлари ҳисобланади.Стилистдан юқори қовоққача тушиб турадиган узунликда ва нотекис турадиган чёлка кесишни илтимос қилинг. Юзингизни ўраб турадиган ўрамлар ва кўп қаватли турмак бўлиши учун ёндан, орқадан тушиб турувчи сочлар қўшинг.
Бу турмакнинг ўзига хослиги ҳажмга боғлиқдир. Бошингизни эгинг ва сочларингизни фен ёрдамида қуритинг. Қуритилган сочларга жингалак бўлиши учун ўртача ёки кичкина ўлчамдаги қисқичлар ўраб қўйинг. Кейин сочларингизни силкитинг ва турмакни ҳурпайтиринг.
Манба: «Popsugar.com»
Изоҳ (0)