Сеулда полиция билан тўқнашув оқибатида 2 киши ҳалок бўлди

Жанубий Корея пойтахти — Сеул марказида мамлакат президенти Пак Кин Хега нисбатан импичмент эълон қилингандан сўнг полиция билан оммавий тўқнашувлар бошланиб кетди. «Рёнхап» агентлигининг маълум қилишича, аллақачон икки киши ҳалок бўлган, деб ёзади «Корреспондент.net».

Ҳалок бўлганлардан бири — 72 ёшли эркак бошига етказилган кўп сонли шикастланишлар туфайли ҳалок бўлди. Унинг фамилияси Ким эканлиги маълум. Иккинчи қурбон ҳақида ҳозирча маълумот мавжуд эмас.

Шунингдек, журналистларга ҳужум қилинганлиги маълум қилинмоқда. Жумладан, «Киодо» япон агентлиги операторининг бошига шикаст етган.

Сеулда суднинг Пак Кин Хега нисбатан импичмент ҳақидаги қарорини кутаётган икки — Пак Кин Хенинг тарафдорлари ва унга қаршиларнинг норозилик намойиши  бўлиб ўтаётган эди. Суд қарори эълон қилингандан сўнг намойиш иштирокчилари ўртасида тўқнашув бошланиб кетди.

Эслатиб ўтамиз, Конституциявий суд коррупция билан боғлиқ можаро туфайли президент Пак Кин Хега нисбатан импичмент ҳақидаги қарорини тасдиқлади.