Режиссёр Улуғбек Юнусовнинг «Айғоқчи кампир 007» фильми март ойининг биринчи ҳафтасида энг кўп томошабин тўплаган ўзбек фильми бўлди. Бу ҳақда Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.
Март ойининг биринчи ҳафтасида кинорейтингида «Айғоқчи кампир 007» дан кейинги ўринларни Озод Шамснинг «Бебаҳогинам», Озод Шамснинг «Вой дод 2» ҳамда «Севади, севмайди», Илҳом Муҳаммадиброҳимовнинг «Қизларнинг жаҳли чиқди» фильмлари банд этган.Маълумот учун, ҳозирда Алишер Навоий номли киносаройда «Кореядаги муҳаббат», «Газини бос, Жамшид», «Севги сотилмас», «Зулмат», «Фирибгар ошиқ», «Коктейл» каби фильмлар намойиши давом этмоқда.Фильмлар намойишлари жадвали билан «Дарё.Afisha»да танишиш мумкин.
27 февраль — 5 март оралиғида энг кўп томошабин тўплаган ўзбек фильмлари
1-ўрин. «Айғоқчи кампир 007» ( комедия )Режиссёр – Улуғбек Юнусов
2-ўрин. «Бебаҳогинам» (романтик драма)Режиссёр — Озод Шамс
3-ўрин. «Вой дод 2» (комедия)Режиссёр — Озод Шамс
4-ўрин. «Севади, севмайди» (комедия)Режиссёр — Озод Шамс
5-ўрин. «Қизларнинг жаҳли чиқди» (комедия)Режиссёр — Илҳом Муҳаммадиброҳимов
Изоҳ (0)