Тошкент вилоятидан сайланган Олий Мажлис Сенати аъзолари ва Қонунчилик палатаси депутатлари вилоятнинг Бўка туманида иқтисодий-ижтимоий ҳолат билан танишди, аҳоли билан юзма-юз мулоқотда бўлиб, талаб ва истакларини ўрганди. Бу ҳақда Қонунчилик палатаси матбуот хизмати хабар бермоқда.
Ўрганиш жараёнида тумандаги умумтаълим мактабларида 39 нафар ўқитувчига эҳтиёж мавжудлиги аниқланди. 2004—2009 йиллар давомида давлат дастурига асосан тумандаги 49 та умумтаълим мактабида қурилиш-таъмирлаш ишлари олиб борилган бўлса-да, бир қатор таълим муассасаларида таъмирлаш ишлари охирига етказилмай қолганлиги маълум бўлди.
Шунингдек, компьютер техникаси билан жиҳозланмаган ҳамда интернет тармоғига уланмаган бир қатор таълим муассасалари фаолияти бўйича тегишли таклифлар тайёрланди.
Депутатлар таълим соҳасидаги камчиликларни ўрганиш билан биргаликда аҳоли ижтимоий ҳаёти билан ҳам танишмоқда.
Тумандаги «Қўлдироқ» маҳалласида истиқомат қилувчи 80 ёшли нуроний Тожиқул Ўринбоев маҳаллада нонвойхона ва кексалар маскани барпо этиш таклифини билдирган эди. Ушбу таклиф туман ҳокимлиги мутасаддилари билан ўрганиб чиқилди ва тез кунларда ижобий ҳал этишга қарор қилинди.Одилжон Тожиев, Олий Мажлис Қонунчилик палатаси депутати
Изоҳ (0)