Фантастик ғалаба 0:4 кейин ҳам «Барселона»га ишонишда давом этганлар учун бағишланди

«Барселона» ҳамда «ПСЖ» жамоалари ўртасидаги фантастик беллашувдан сўнг ҳар икки клуб бош мураббийлари ўз фикрини баён қилди.

Биз ўйин давомида муваффақиятимизга ишониб тўп сурдик. Шу боисдан ҳам кўп жабҳада таваккал қилдик. Якунда бу самарали бўлиб чиқди. Биз учун энг муҳими ҳам шу эди.

Чорак финалга йўлланма олган қолган жамоалар бизни шу босқичда кўришдан хурсанд деб ўйламайман. Айтишим мумкин бўлгани — турнирни ютиш учун энди ҳамманинг имконияти тенглашди.

Бу ғалаба «ПСЖ»га қарши дастлабки ўйинимизда кейин ҳам бизга ишонганлар учун бағишланади.

Луис Энрике, «Барселона» бош мураббийи

«ПСЖ» устози Унаи Эмерининг фикрига кўра, «Барселона» ўйин якунланиб боргани сайин йўқотадиган нарсаси қолмаганини тушунган ва шу билан ўз ўйинини намойиш қила олган.

Бугун биз чорак финалга йўл олишдек ақлбовар қилмас имкониятни йўқотдик. Чунки иккинчи бўлимни жуда ёмон ўтказдик: прессинг қила олмадик ҳамда тўпни ушлаб туришда оқсадик. Бу эса «Барселона» учун кўплаб имкониятлар яратди.

Гол уриб олиб, бўшашдик. Ҳатто ҳисобни 3:2 кўринишига ҳам олиб келишимиз мумкин эди. Бироқ ҳакамлар қарори «ПСЖ»га қарши бўлиб чиқаверди. Ўйин охирида эса ўйин назоратини буткул унутдик.

Ўйин якунланиб бораётганда рақибнинг йўқотадиган ҳеч нарсаси қолмаганди. «Барселона» шунинг эвазига камбэкка лойиқ бўлди. Бу клуб ва мен учун салбий тажрибадир. Биз бундан сабоқ чиқаришимиз керак.

Унаи Эмери, «ПСЖ» бош мураббийи