АҚШ маъмурияти Кувайтга ИШИД жангариларига қарши курашда захира куч сифатида 1000 нафаргача ҳарбий хизматчини жўнатиш имкониятини кўриб чиқмоқда. Бу ҳақда «ТАСС» хабар берди.
Оқ уйдаги манбаларга кўра, қўшимча қўшин юборилиши жанг майдонида юзага келиши мумкин бўлган кўзда тутилмаган ҳолатларга тезкорлик билан муносабат билдириш имкониятини яратади. Бундай қарор АҚШ расмийларининг Яқин Шарқда террорчиларга қарши курашни фаоллаштириш бўйича ҳаракатлари доирасида қабул қилиниши мумкин.
Кувайтга юбориладиган ҳарбий хизматчилар мазкур давлатда жойлаштирилган АҚШ қуролли кучлари ҳисобига киритилмаслиги билдирилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)