AQSh ma’muriyati Kuvaytga ISHID jangarilariga qarshi kurashda zaxira kuch sifatida 1000 nafargacha harbiy xizmatchini jo‘natish imkoniyatini ko‘rib chiqmoqda. Bu haqda “TASS” xabar berdi.
Oq uydagi manbalarga ko‘ra, qo‘shimcha qo‘shin yuborilishi jang maydonida yuzaga kelishi mumkin bo‘lgan ko‘zda tutilmagan holatlarga tezkorlik bilan munosabat bildirish imkoniyatini yaratadi. Bunday qaror AQSh rasmiylarining Yaqin Sharqda terrorchilarga qarshi kurashni faollashtirish bo‘yicha harakatlari doirasida qabul qilinishi mumkin.
Kuvaytga yuboriladigan harbiy xizmatchilar mazkur davlatda joylashtirilgan AQSh qurolli kuchlari hisobiga kiritilmasligi bildirilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)