Жанубий Судандаги гуманитар вазият жадаллик билан ёмонлашиб бормоқда, республиканинг миллионлаб аҳолисини очликдан қутқариш учун БМТга 1,6 миллиард доллар зарур. Бу ҳақда ташкилот бош котибининг гуманитар масалалар бўйича ўринбосари Стивен O’Брайен маълум қилди, деб ёзади «ТАСС».
БМТ ҳисоб-китобларига кўра, ҳозирда Жанубий Судандаги очлар сони 100 минг кишини ташкил этади. Июль ойига келиб, озиқ-овқат маҳсулотлари танқислигини бошидан кечирадиган аҳоли сони 5,5 миллионга етади.
«Бу вақтга келиб, ҳосилсизлик даври энди бошланади, афсуски, вазият ундан кейинги ойларда кескин ёмонлашиши мумкин», — дея огоҳлантирди О’Брайен.
«Бизнинг режамиз бор, биз вазиятга реакция кўрсатишни бошладик ва кўпроқ куч ишлатишга тайёрмиз, аммо биз кўпроқ инсонларнинг ҳаётини қутқариш имконини берувчи маблағлардан фойдаланиш имкониятини қўлга киритишимиз керак», — дея таъкидлади у.
Изоҳ (0)