Дубайда майдони жиҳатидан Лондон Гайд-паркидан қолишмайдиган йирик шаҳар боғи барпо этилади. Dubai Holding ва Дубай муниципалитет бу ҳақда тегишли келишув имзолади, дея хабар беради «Русские Эмирати».
15 минг дарахтдан иборат боғ Dubailand туманида жойлашади ва 1 430 000 квадрат метр майдонни эгаллайди. Унинг ўлчамлари машҳур Забиль боғи ҳудудидан уч баробар катта.
Боғда 30 километр пиёдалар йўлаги, 20 километр югуриш йўлаги, шунингдек, 14 километр велосипед ва 7 километр табиий трасса бўлиши кўзда тутилган. Шунингдек, 55 та болалар ва 45 та спорт майдони, 5 та тадбирлар саҳнаси, ресторанлар, қаҳвахоналар ва дўконлар очилади.
Бу ерда қўлланадиган «яшил технологиялар» ёрдамида энергия ишлаб чиқилади, чиқиндилар қайта ишланади, сунъий соя яратилади. Барча ҳудудда Wi-Fi ишлайди, чипталарни эса смарт-тизим тайёрлайди.
Шаҳар боғининг биринчи навбати жорий йил охиригача фойдаланишга топширилиши режалаштирилган.
Изоҳ (0)