Жаҳон ишбилармонлик туризми ташкилоти ҳисоботига кўра, АҚШ президенти Дональд Трамп бир қатор мусулмон мамлакатларнинг фуқаролари учун АҚШга киришни чекловчи фармонни имзолаганидан кейинги бир ҳафта ичида хизмат сафарлари бўйича бронларнинг бекор қилиниши оқибатида АҚШ тахминан 185 миллион доллар йўқотган. Бу ҳақда The Huffington Post хабар бермоқда.
Нашрнинг қайд этишича, хизмат сафарлари соҳасидаги вазиятнинг атиги 1 фоизга ўзгариши АҚШ 71 мингта иш ўрни ва ялпи ички маҳсулотнинг қарийб 5 миллиард долларини йўқотишига сабаб бўлади.
Бошқа бир гуруҳ иқтисодчиларнинг аниқлашича, Трампнинг тақиқи татбиқ этилиши оқибатида биргина Лос-Анжелес округи кейинги уч йил давомида туризм соҳасида 736 миллион доллардан маҳрум бўлиши мумкин.
Нашрнинг ёзишича, АҚШда фаолият олиб бораётган Европа компанияларининг деярли ярми кейинги уч ойлик хизмат сафарларини қисқартиришни режалаштираётганини билдирган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)