Ўзбекистонда яқин йиллар ичида нефтни қайта ишлаш бўйича учинчи завод қурилиши кўзда тутилган. Бу ҳақда, Ўзбекистон бош вазири ўринбосари Рустам Азимовга асосланиб, Туркиянинг Anadolu агентлиги хабар бермоқда.
Рустам Азимов 27 февраль куни Истанбулда бўлиб ўтган Ўзбекистон—Туркия бизнес-форумидаги чиқиши чоғида шу ҳақда тўхталиб ўтган.
«Ҳозирги вақтда Ўзбекистон ҳудудида иккита нефтни қайта ишлаш заводи фаолият олиб бормоқда. Биз учинчи заводни ҳам қурмоқчимиз. Мазкур лойиҳани амалга оширишга Туркия томони ҳам жалб этилиши мумкин, деб ҳисоблаймиз», — деди Азимов.
Маълумот учун, Ўзбекистондаги нефтни қайта ишловчи икки заводдан бири Бухорода, иккинчиси эса Фарғонада жойлашган.Аввалроқ Рустам Азимов Истанбулдаги «Бейлербейи» саройида Туркия президенти Ражаб Тоййиб Эрдўғон билан учрашгани ҳақида хабар берилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)