Мигренни қўзғатувчи озиқ-овқатлар

Мигрень – бу вақти-вақти билан тутадиган бош оғриғи хуружи. Бугунги мақоламизда таркиби бу касалликни қўзғатиш хусусиятига эга бўлган озиқ-овқат маҳсулотлари тўғрисида айтмоқчимиз.

Қаҳва

Боши тез-тез оғриб турадиган, лекин қаҳвани севувчилар дарҳол суткалик истеъмол миқдорини камайтиришлари зарур. Қаҳва бош миядаги мигрень билан боғлиқ бўлган рецепторларга салбий таъсир кўрсатади.

Колбаса

Колбаса, сосиска ва бошқа шу каби маҳсулотлар таркибидаги нитрат натрий консерванти бош оғриғини келтириб чиқариш хусусиятига эга.

Мазаси кучайтирилган маҳсулотлар

Тадқиқотлар зайтун, фастфуд, чипс ва шунга ўхшаш мазаси кучайтирилган, консерваланган озиқ-овқатлар бош оғриғини келтириб чиқариш ва кучайтириш хусусиятига эга эканлигини аниқлади.

Цитрусли мевалар

Апельсин, мандарин ва лимонни ҳам кўп истеъмол қилиш бош оғриғининг кучайишига олиб келиши маълум бўлди.

Шакарнинг ўрнини босувчилар

Шифокорлар сурункали боши оғрийдиган касалларга биринчи навбатда шакар ўрнини босувчиларни истеъмол қилмасликни маслаҳат беришади.