Migrenni qo‘zg‘atuvchi oziq-ovqatlar

Migren – bu vaqti-vaqti bilan tutadigan bosh og‘rig‘i xuruji. Bugungi maqolamizda tarkibi bu kasallikni qo‘zg‘atish xususiyatiga ega bo‘lgan oziq-ovqat mahsulotlari to‘g‘risida aytmoqchimiz.

Qahva

Boshi tez-tez og‘rib turadigan, lekin qahvani sevuvchilar darhol sutkalik iste’mol miqdorini kamaytirishlari zarur. Qahva bosh miyadagi migren bilan bog‘liq bo‘lgan retseptorlarga salbiy ta’sir ko‘rsatadi.

Kolbasa

Kolbasa, sosiska va boshqa shu kabi mahsulotlar tarkibidagi nitrat natriy konservanti bosh og‘rig‘ini keltirib chiqarish xususiyatiga ega.

Mazasi kuchaytirilgan mahsulotlar

Tadqiqotlar zaytun, fastfud, chips va shunga o‘xshash mazasi kuchaytirilgan, konservalangan oziq-ovqatlar bosh og‘rig‘ini keltirib chiqarish va kuchaytirish xususiyatiga ega ekanligini aniqladi.

Sitrusli mevalar

Apelsin, mandarin va limonni ham ko‘p iste’mol qilish bosh og‘rig‘ining kuchayishiga olib kelishi ma’lum bo‘ldi.

Shakarning o‘rnini bosuvchilar

Shifokorlar surunkali boshi og‘riydigan kasallarga birinchi navbatda shakar o‘rnini bosuvchilarni iste’mol qilmaslikni maslahat berishadi.