АҚШ президентининг қизи ва куёви — Иванка Трамп ҳамда Жаред Кушнер давлат раҳбарини иқлим бўйича Париж келишувидан чиқиш ҳақидаги ваъдасини бажаришдан бош тортишга кўндирди. Бу ҳақда «ТАСС» хабар бермоқда.
Бу ҳақдаги эслатма Трамп яқин орада имзолашни режалаштирган икки фармондан бирининг лойиҳасидан ғойиб бўлди.
The Wall Street Journal нашрига кўра, Иванка Трамп сайёрада иқлим ўзгаришларига қарши кураш отаси маъмуриятининг асосий йўналишлардан бири бўлиб қолиши лозим, деб ҳисобламоқда.
АҚШ президенти маслаҳатчиси бўлган унинг турмуш ўртоғи — Жаред Кушнер ҳам шундай фикрда.
Қизи ва куёвининг фикри Дональд Трамп ўтган йил декабрида Нью-Йоркда атроф-муҳит муҳофазасининг фаол тарафдори бўлган собиқ вице-президент Альберт Горни қабул қилишга розилик беришида ҳам муҳим аҳамиятга эга бўлгани билдирилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)