Ўзбекистон Президенти Шавкат Мирзиёев Қашқадарё вилоятига сафари доирасида 25 февраль куни Қарши шаҳридаги аввалги «Насаф» стадиони ҳудудида барпо этилаётган кўп тармоқли сузиш ҳавзаси ва замонавий дам олиш мажмуасида бўлди. Бу ҳақда ЎзА хабар бермоқда.
4,7 гектар майдонда қурилаётган 25х11 метр ўлчамдаги икки сузиш ҳавзаси ҳудудда сув спорти турларини янада оммалаштиришга хизмат қилади.Сувни тозалаш, иситиш, ҳароратни мў’тадил сақлаш ускуналари ўрнатиладиган бассейнлар бу ерга келувчиларнинг соғлиғини мустаҳкамлашга ҳам хизмат қилади.
«Ёшларимизнинг баркамол ўсиб-улғайиши учун барча шароитларни яратишимиз керак», — деди Шавкат Мирзиёев.
Мажмуани жиҳозлашда илғор ва тежамкор технологиялардан самарали фойдаланиш, кийиниш, ювиниш хоналарида барча қулайликларни яратиш бўйича зарур кўрсатма ва топшириқлар берилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)