Ўзбекистон Президенти Шавкат Мирзиёев Қашқадарё вилоятига сафари доирасида 25 февраль куни Қарши шаҳрида Алишер Навоий номидаги истироҳат боғида амалга оширилаётган реконструкция ишлари билан танишди, дея хабар бермоқда ЎзА.
«Асинза-БЗ» компанияси томонидан амалга оширилаётган, қиймати 8,7 миллиард сўмни ташкил этадиган маданият ва истироҳат боғида шаҳар аҳолиси, айниқса, болажонлар бўш вақтини мазмунли ўтказиши ва мириқиб дам олиши учун барча қулайликлар муҳайё қилинади.
Бу ерга Хитойнинг Zhengzhou Beston Amusement Equipment Co. Ltd. компаниясида ишлаб чиқариладиган замонавий аттракционлар олиб келиб ўрнатиш, замон талаблари асосида спорт ва болалар майдончалари қуриш режалаштирилмоқда.
«Асосий мақсадимиз – халқимизни рози қилиш, одамларнинг фаровон яшаши учун барча имкониятларни яратишдир», — деди Шавкат Мирзиёев.
Президент боғда яшил майсазорларни кўпайтириш, турфа гул ва манзарали дарахтлар экиш, бу ерга ташриф буюрувчилар учун барча шароитларни яратиш бўйича зарур кўрсатмалар берди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)