АҚШ Давлат департаменти америкалик собиқ мансабдорлар билан музокаралар ўтказиш учун Нью-Йоркка келиши лозим бўлган Шимолий Корея дипломатига виза беришни рад этди. Бу ҳақда «Коммерсант.ru» хабар бермоқда.
The Wall Street Journal манбаларига кўра, БМТ қароргоҳи яқинидаги меҳмонхонада бўлиб ўтиши режалаштирилган 5 йил мобайнидаги биринчи махфий маслаҳатлашувларнинг ўтказилиши КХДР ТИВ АҚШ бўлими бошлиғи Чо Сон Хуга виза берилишига бевосита боғлиқ эди.
Виза беришнинг рад этилиши сабаблари нашрга маълум қилинмади. Бироқ бунга Шимолий Корея томонидан ўтказилган навбатдаги баллистик ракета синовлари ва КХДР етакчисининг акаси Ким Чон Намнинг ўлдирилиши таъсир кўрсатгани тахмин қилинмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)