Сурияда ИШИДга қарши курашдаги муваффақиятлар турли давлатлар, жумладан, АҚШ ва Россия ҳарбий-ҳаво кучлари ўртасидаги кўзда тутилмаган ҳолатларни келтириб чиқариши мумкин. Бу ҳақда АҚШ ҳарбий-ҳаво кучлари жанговар авиация қўмондонлиги раҳбари Герберт Карлайл маълум қилди, дея хабар беради «Коммерсант.ru».
«Вазият мураккаблашиб боради, деб ҳисоблайман. ИШИДнинг жанг ҳудудидан маҳрум этилиши биз ва минтақадаги бошқа вакиллар, жумладан, бу ерда парвозларни амалга оширишга киришган турклар ўртасида можаро келиб чиқиши эҳтимолини оширади», — дея таъкидлади Герберт Карлайл.
Карлайлга кўра, бундай вазиятда «адашув ёки эҳтимолий можароларнинг олдини олиш» учун Россия билан мулоқотни фаоллаштириш талаб этилади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)