Мексика вазири мамлакат АҚШнинг молиявий кўмагига муҳтож эмаслигини билдирди

Мексика ички ишлар вазири Анхел Осорио Чонг мамлакат АҚШнинг молиявий кўмагига муҳтож эмаслигини билдирди. Бу ҳақда «РИА Новости» хабар бермоқда. 

Вазирга кўра, ҳозир Мексика АҚШ билан келишув имзоланган даврларга қараганда анча кучли. 

Олдинроқ АҚШ президенти Дональд Трамп Вашингтон Мексикага сўнгги 5 йил мобайнида қанча суммага тенг ёрдам жўнатгани ҳақида ҳисоботни тақдим этишга кўрсатма берган эди. 

Ушбу кўмакнинг аксар қисми (2,6 миллиард доллар) «Мерида режаси» доирасида йўналтирилгани айтилмоқда.

«Мерида режаси» АҚШ томонидан Мексика, Марказий Америка давлатлари, Гаити ва Доминикан Республикасига молиявий ва техник ёрдам кўрсатишни назарда тутади.

Вашингтон наркокартелларга қарши кураш учун жиҳозлар ва техника етказиб бериш, Мексика армия ҳамда полиция бўлинмаларини аксилтеррор операциялар ўтказишга ўргатишни зиммасига олган эди. 

«Дарё»нинг Telegram’даги расмий канали — @toshqindaryo’га аъзо бўлинг!